‎وەزیرێ خواندنا بلند و ڤەکۆلینێن زانستی، دگەل بلند نرخاندنا پشتەڤانیا ئەمریکا ژ ئالیێ سیاسی و سەربازی و مرۆڤی بۆ گەلێ کوردستانێ، ڕادگەهینیت پشتەڤانیێن زانستی و ئەکادیمییێن حکومەتا ئەمریکا بۆ سێکتەرێ خواندنا بلندا کوردستانێ و پێشڤەبرنا ئاستێ زانکۆیان ب گرنگی ددەنە زانین.

‎ئەڤ داخویانیا (د. ئارام محمد قادر) وەزیرێ خواندنا بلند و ڤەکۆلینێن زانستی ل ڕۆژا سێشەمبی ڕێکەڤتی (2021/8/17) د چارچوڤێ پێشوازیکرنا (ڕۆبەرت پالەدینۆ) کونسوڵێ گشتیێ ئەمریکا ل هەرێما کوردستانێ هات دگەل وەفدەکێ کونسوڵخانەیا ئەمریکی.

‎د ئەڤێ هەڤدیتنێدا کۆ بریکارێ وەزارەتێ و ڕاوێژکارێ ڕێڤەبەرایەتیا گشتیا وەزارەتێ ئامادەببوون، کونسولێ گشتیێ ئەمریکا ل هەرێما کوردستانێ خۆشحالیا خۆ نیشاندا ب ئەڤێ سەرەدانا وەزارەتا خواندنا بلند و دەستخۆشی ل وەزیرێ خواندنا بلند کر، بۆ موکومکرنا پەیوەندیێن وان و پێشڤەبرنا لێکگوهارتنێن  زانستی، بۆ ئەڤێ چەندێ کورتیەک دەربارەی کارو پرۆژە و هەماهەنگیێن دگەل دامەزراوێن خواندنا بلندا کوردستانێ هاتنە ڕونکرن، ب تایبەت پڕۆگرامێ لێکگوهارتنا سەرکردێ گەنج، کۆ تایبەتە ب هنارتنا خوێندکاران بۆ دەرڤە و بەڕنامێ (فول برایت) و لێکگوهارتنا خوێندکارێن خواندنا بلند و پێشخستن و پێشڤەبرنا سەنتەران و بکارخستن و پڕۆگرامێ پێکڤەگرێدانا زانکۆیێن هەرێما کوردستانێ ب زانکۆیێن ئەمریکا و بەڕنامەیێ لێکگوهارتنا کەلتور و فەرهەنگ و پێشڤەبرنا زمانێ ئینگلیزی.

‎د بەشەکێ دی یێ ڤێ هەڤدیتنێدا (د. ئارام محمد) ڕاگەهاند: ب شێوەیەکێ گشتی سیستەم و فەلسەفەیا خواندنا ویلایەتێن ئێکگرتیێن ئەمریکا بۆ مە جهێ گرنگیێیە، دەمێ مە بڤێت ئارمانج و پیلان بۆ پێشڤەبرنا سێکتەرێ خواندنا بلند ل هەرێما کوردستانێ بەرەڤ پێشڤە بچیت، مە پێدڤی ب هاریکاری و هەماهەنگیا زێدەتر یا دامەزرا و ناڤەندێن وە یێن زانستی بیت، چاڤەرێ هندی نە زێدەتر هەریکاریا مە بکەن و پەیوەندییا ڕاستەوخۆ دناڤبەرا دامەزراوەین مەدا هەبیت

‎ل دوماهیکا ئەڤێ دیدارێدا چەندین بابەتێن گرێدایی ب پیلان و بەڕنامەیێن چار ساڵێن کارکرنا وەزارەتێ و ئەو بابەتێن گرێدایی ب ئاستێ زانکۆیا ب گشتی ئاخڤتن ل سەر هاتە کرن.